È cosa 'e niente,
però mo' vaco 'e pressa.
Scusame tante
'o ssaje
'O tiempe
corre ampressa.
Tengo che ffa'
e corro
corro comme 'nu pazz,
'a capa me fa' male,
'a notte
'a faccio juorno
currrenno tuorno tuorno.
So' comme 'o sole
ca nun se ferma maje,
e si se ferma 'o core
io corro tale e quale.
Scusame tante
amico,
te lasso,
te saluto.
Io song comm 'o vient
'na nuvola
d'estate:
Mentre che staje a guardarla
se sperde
e nun 'o ssaje
s'era 'nu gioco 'e luce
'nu suonno
t'abbagliaje.
|